Bílar

Volkswagen íhugar retro-bílalínu

Finnur Thorlacius skrifar
Volkswagen Bulli.
Volkswagen Bulli.
Einskonar hliðarmerki stóru bílaframleiðendanna er að verða að tísku nú um mundir, sérstaklega þýsku bílaframleiðendanna. BMW hefur framleitt i-fjölskyldu rafmagnsbíla sinna, Audi virðist ætla að búa til fjölskyldu TT-bíla sinna og Mercedes Benz virðist ætla að halda merki hins áður aflagða Maybach merkis á lofti á efsta og dýrast þrepi S-línu bíla sinna.

Og núna virðist Volkswagen ætla að búa til litla fjölskyldu retro-bíla sem fylgja í fótspor endurvakningar Bjöllunnar frægu. Næsta skref Volkswagen þar virðist líklega fólgið í endurvakningu á Rúgbrauðinu með bíl sem fengi nafnið Bulli Microbus, en bílablaðið  Autobild  greinir frá þessu.

Auk þess ætlar Volkswagen að kynna nýja gerð Bjöllunnar með sportlegri og lægri þaklínu og þá væntanlega með öflugum vélum. Kemur þetta kannski ekki á óvart ef mið er tekið af vinsældum Bjöllunar. Ást margra á Rúgbrauðinu er þó líkleg til að tryggja góða sölu á farartæki sem líkist þeim goðsagnarkennda bíl. 

Afturhvarf til fortíðar

Mest lesið




×

Mest lesið