Enginn hagnaður hjá Tesla í ár

Fyrsti ársfjórðungur þessa árs reyndist ekki arðsamur hjá bandaríska rafbílaframleiðandanum Tesla. Tapið nam 5,6 milljörðum króna og það sem meira er, Tesla áætlar að árið í heild muni ekki skila hagnaði. Á fyrsta ársfjórðungi í fyrra skilaði Tesla í fyrsta sinn hagnaði, en nú hefur orðið breyting á og ástæður fyrir því.

Það hefur reynst mörgum fyrirtækjum dýrt er að vaxa hratt og eyða miklu í þróunarkostnað. Það er einmitt ástæðan fyrir niðurstöðunum nú, en mikið fé fór í áframhaldandi þróun næsta bíls Tesla, Model X jeppanum. Ennfremur hefur það kostað Tesla fúlgur fjár að setja upp net hraðhleðslustöðva, ekki einungis í Bandaríkjunum, heldur víða um heim.

Þá hefur fyrirhuguð uppsetning risaverksmiðju sem framleiðir rafhlöður í bíla Tesla haft mikinn kostnað í för með sér. Tesla náði að selja 7.535 bíla á fyrsta ársfjórðungi og hefur aldrei selt fleiri bíla á heilum ársfjórðungi. Það er því ljósið í myrkrinu og Tesla virðist sífellt auka sölu sína á hverjum ársfjórðungi.