"Hún var voða næs og rosa ánægð með flúrin“

„Hún var voða næs og rosa ánægð með flúrið,“ segir Ólafía Kristjánsdóttir, 28 ára, húðflúrari á Reykjavík Ink á Frakkastíg 7 í Reykjavík sem húðflúraði dönsku söngkonuna Medinu í gær. Söngkona fékk sér eitt gat í eyra og 3 lítil húðflúr.  

Eitt af húðflúrunum sem hún fékk sér var „Mediva“ sem hún setti á úlnliðinn til heiðurs aðdáendum sínum en þeir kalla hana Medivu.   Mynd af umræddu húðflúri birti Medina á instagram síðunni sinni.

Húðflúrarinn, Ólafía, vakti verðskuldaða athygli á Íslandsmóti IFBB í fitness sem fram fór í Háskólabíó síðustu helgi en líkami hennar er húðflúraður að miklu leyti.