Peugeot ætlar sér stóra hluti í Paris-Dakar rallinu

Peugeot vann fjölmargar Paris-Dakar keppnir á níunda áratug síðustu aldar og stefnir nú að því að endurtaka þann leik. Til þess hafa þeir fengið tvo af reyndustu og sigursælustu keppnisökumönnum Paris-dakar keppninnar með sér í lið, þá Carlos Sainz og Cyril Depres, og munu þeir keppa á bílum Peugeot í næstu keppni sem fer fram í byrjun næsta árs.

Nú hefur Peugeot kynnt þann bíl sem kapparnir munu þeysa á og er hann nefndur Peugeot 2008 DKR og á að eiga eitthvað sameiginlegt með hefðbundnum Peugeot 2008 bíl en á myndum af bílnum að dæma er svo eiginlega ekki. Það átti reyndar ekki heldur við sigurvegarann í ár, Mini ALL4, sem átti að byggja á Mini Clubman bílnum.

Þessi bíll Peugeot er á 37 tommu dekkjum og er aðeins með drif á tveimur hjólum.