Bílar

Lifir gamli Volvo XC90 áfram í Kína?

Finnur Thorlacius skrifar
Volvo XC90 jeppinn.
Volvo XC90 jeppinn.
Hann er sannarlega kominn til ára sinna hinn ágæti jeppi Volvo XC90, en það þýðir ekki að framleiðslu hans verði hætt endanlega. Hann mun líklega eiga framhaldslíf í Kína og framleiðslu hans haldið áfram þar. 

Stutt er orðið í næstu kynslóð Volvo XC90, sem kemur á markað seinna á þessu ári og hafa margir lengi beðið eftir þeim bíl, en kynningu hans hefur verið frestað mörgum sinnum.

Það yrði núverandi eigandi Volvo, bílaframleiðandinn Geely í Kína sem myndi sjá áfram um framleiðslu eldri gerðar XC90, þrátt fyrir að nýja gerðin verði einnig til sölu þar. Sá eldri verður í boði sem ódýrari valkostur en nýi bíllinn. Aðeins einn vélarkostur yrði í eldri XCX90 bílnum, 2,5 lítra og fimm strokka vél með forþjöppu.  

Nú eru þegar liðin 12 ár í framleiðslu fyrstu og einu kynslóðar Volvo XC90 bílsins og eru fá dæmi um slíkt á seinni árum, en árin halda áfram að telja með framleiðslunni í Kína. 

Mest lesið




×

Mest lesið