Hraðaheimsmet á 6-hjóla Toyota Hilux frá Arctic Trucks í heimsfréttunum

Bílavefurinn Jalopnik greinir nú frá hraðaheimsmeti sem náðist við akstur á suðurpólinn þar sem notaður var 6-hjóla Toyota Hilux bíll sem smíðaður var af íslenska breytingafyrirtækinu Arctic Trucks.

Metið frá strönd til pólsins er nú 18 dagar, 4 klukkutímar og 43 mínútur og var það stórbætt, en fyrra metið var 24 dagar, 1 klukkutími og 13 mínútur og var það met 2 ára gamalt.

Í grein Jalopnik er sagt frá því að Arctic Trucks hafi einnig smíðað þá bíla sem sáust í Top Gear þáttunum í ferð á norðurpólinn og að Arctic Trucks hafi breytt bílum til erfiðra ferða frá árinu 1990. 

Ökumaðurinn í þessari ferð á suðurpólinn var Eyjólfur Már Teitsson og greint er frá því að hann hafi einnig verið séð um viðhald og viðgerðir á bílnum í förinni. Það er ekki að spyrja að fjölhæfni þeirra Arctic Trucks-manna. Þessi ferð var farin til að safna vísindagögnum frá Suðurskautslandinu. 

Í myndskeiðinu sést 6-hjóla bíll Arctic Trucks við æfingar í Finnlandi.