Verðlaunahafarnir fengu Benz

Mikil kæti ríkir í Rússlandi yfir góðu gengi rússneskra íþróttamanna á ólympíuleikunum nýafstöðnu, enda fékk engin þjóð fleiri verðlaun. Ein af birtingarmyndum þeirrar gleði er væn peningagreiðsla til hvers þeirra sem hlutu verðlaun á leikunum.

Gullverðlaunahafar fengu 13,7 milljónir króna, silvurverðlaunahafar fengu 8,7 milljónir og bronsverðlaunahafar 5,9 milljónir. Það fannst þó sumum ekki nóg og því fær hver og einn verðlaunahafi ennig glænýjan Mercedes Benz bíl. Það fer hinsvegar eftir litnum á verðlaunapeningnum hvernig Benz hver og einn fær.

Ef hann er gulllitur fær handhafi hans hinn stóra GL-jeppa. Ef hann er úr silfri fær hann ML-jeppa og bronsmedalíueigendur fá GLK-jeppling. Það var forsætisráðherrann Dmitry Medvedev sem veitti verðlaunahöfunum þessa myndarleg gjöf. Skíðaskotfimigöngumaðurinn Anton Shipulin sagðist aðspurður hafa verið nokkuð brugðið við þessa höfðinglegu gjöf og hann væri eiginlega í sjokki.

Nokkrir af verðlaunahöfunum eru svo ungir að þeir hafa ekki leyfi til að aka bíl og í þeim tilvikum fylgir einkabílstjóri með bílnum. Bílarnir sem rússneska ríkið gaf verðlaunahöfum sínum voru samtals 45 og kostar því þessi gjörningur skildinginn. Það er þó væntanlega lítið í samanburði við heildarkostnað Rússlands við að halda leikana að þessu sinni.