Kraftur og fegurð til sýnis

Mörg orð hafa verið höfð um glæsibílinn Porsche Panamera frá því hann kom fyrst á markað árið 2009. Bílablaðamenn hafa farið mikinn og m.a. líkt Panamera við töfrateppi götunnar sem breyta má í villidýr með einni snertingu.

Flestir eru sammála um eitt; að einn bíll skuli búa að báðum þessum kostum, þægindunum og sportlegum eiginleikunum,  í svo ríkum mæli, sé einstakt.

„Við kynnum núna á laugardaginn nýja útgáfu af Porsche Panamera. Satt að segja skortir mig orð til að lýsa honum og hvet því fólk til að koma í Porsche-salinn og skoða hann í návígi. Kraftur og fegurð Panamera lætur engan sannan bílaáhugamann ósnortinn,“ segir Thomas Már Gregers sölustjóri Porsche á Íslandi.

Á morgun, laugardag 1. mars verður Bílabúð Benna með sérstaka laugardagsopnun í Porsche-salnum á Vagnhöfða, frá kl. 12:00 til 16:00 þar sem Panamera verður í fríðum hópi Porsche bifreiða.