Jeremy Clarkson móðgar samkynhneigða

Fáir hafa náð að móðga heilu þjóðirnar og þjóðfélagshópana eins mikið og breski Top Gear þáttastjórnandinn Jeremy Clarkson. Vart er hægt að finna þann hóp sem ekki hefur fengið gusuna frá hinum húmoríska þáttastjórnanda, en nú bættist líklega einn hópurinn við, samkynhneigðir.

Jeremy setti færslu á Twitter með mynd sem sýnir einhvern halda á skilti með orðinu „Gay“ ásamt pílu sem þó fer á milli mála hvort beinist að James May, meðþáttastjórnanda hans, eða honum sjálfur. Undir orðinu "Gay" er reyndar annað orð sem ekki telst prenthæft, er fjögurra stafa, byrjar á c og endar á t, eða C**t.

Myndin var tekin um borð í flugvél og allt var nú þetta góðlátlegt grín, en það finnst ekki öllum. Hann hefur nú þegar beðist afsökunar á að hafa sett myndina á Twitter og er það langt í frá í fyrsta skipti sem hann hefur neyðst til að biðjast afsökunar á ummælum sínum eða gjörðum sem beinst hafa af ákveðnum þjóðfélagshópum.