Bílar

GM greiðir arð

Finnur Thorlacius skrifar
Chevrolet Spark, minnsti framleiðslubíll GM.
Chevrolet Spark, minnsti framleiðslubíll GM. mynd/Autoblog
Í fyrsta skipti frá árinu 2008 mun General Motors greiða hluthöfum sínum arð. Gengi GM hefur tekið ævintýralegum breytingum frá því að fyrirtækið var í raun gjaldþrota og var bjargað af bandaríska og kanadíska ríkinu. GM seldi 9,71 milljón bíla á síðasta ári og jókst sala þess um 4% á árinu.

Góð sala þess á heimamarkaði í Bandaríkjunum og í Kína hefur fært því endurnýjaða velgengni og nú er komið að því að greiða aftur þeim sem studdu við það á erfiðum tímum. General Motors mun greiða 30 bandarísk sent á hvern hlut til hluthafa sinna eftir gott uppgjör síðasta árs.

GM hefur náð að höfða til kaupenda víðar en í Bandaríkjunum og Kína og er sala þess í Indlandi einnig mjög góð, sem og um alla Asíu og á mörgum öðrum fjarlægum mörkuðum. GM menn er brattir hvað sölu bíla á þessu ári varðar og væntir enn aukinnar sölu sem gæti farið yfir 10 milljón bíla markið. Ekki þarf GM nema 3% vöxt á milli ára til að ná því takmarki. 

Mest lesið




×

Mest lesið