Vænir bónusar bandarískra bílaframleiðenda

Starfsfólk í bílaverksmiðjum í Bandaríkjunum eiga von á hressilegum launbónusum eftir mjög gott ár þriggja stærstu bílaframleiðendanna þar vestra, General Motors, Chrysler og Ford. Þeir 130.000 starfsmenn þeirra munu líklega skipta á milli sín 800 milljónum dollara á næstunni í bónusa. Það gerir um 715.000 krónur á hvern starfsmann.

Yrði þetta þriðja árið í röð sem starfsfólk verksmiðjanna fá vænan tékka frá atvinnurekendum sínum fyrir gott starf og vænan hagnað fyrirtækjanna. Samtök starfsmanna hafa gert samning við atvinnurekendur sína um hluta af hagnaði fyrirtækjanna og ávöxtur þess er nú að skila sér ríkulega.

Starfsfólk General Motors og Ford fá hvert um sig að jafnaði 1 dollara fyrir hverja 1 milljón dollara sem fyrirtækin hagnast fyrir skatta. Þessir bónusar bandarísku framleiðendanna ná samt ekki flestum þýsku bílaframleiðendanna, sem sumir greiddu starfsfólki sínu meira en milljón krónur á mann eftir uppgjörsárið 2012.