Fékk far upp að Kínamúrnum

Justin Bieber er um þessar mundir á ferðalagi í Kína. Poppstirnið unga fer ekkert nema í fylgd lífvarða.

Óvanaleg sjón blasti við öðrum ferðalöngum á sömu slóðum þegar Justin Bieber lét lífverði sína halda á sér upp tröppurnar að Kínamúrnum, sem hann vildi skoða nánar.

Þá þykir sumum fjölmiðlum vestanhafs nóg um uppátæki hins nítján ára söngvara, en hann hefur á undanförnu ári lent í útistöðum við ljósmyndara, hrækt á aðdáendur sína og pissað í fötu inn í eldhúsi á skemmtistað í New York-borg.