Bílar

Fjórðungur gefur bíl sínum gælunafn

Finnur Thorlacius skrifar
Í frétt frá USA Today kemur fram að fjórðungur fólks gefur bílnum sínum gælunafn og 36% fólks á aldrinum 18 til 34 ára gefur þeim nafn. Greinarhöfundur segir að amma hans hafi fengið sér nýjan Buick Verano um daginn og samstundis nefnt hann Veronica. Sá bíll leysir af hólmi Malibu bíl sem hún seldi, en hann hafði fengið nafnið Mindy.

Þetta fannst honum býsna skondið, en staðreyndin er hinsvegar sú að þetta er að sama skapi algengt, en það leiðir rannsókn um þessa skemmtilegu staðreynd í ljós. Nafngift bílanna á að 31% hluta uppruna sinn í lit þeirra. Konur eru gjarnari á að gefa bílum sínum nafn, eða 27% þeirra, en 17% karlmanna.

Karlmenn eru líklegri til að nefna bíla sína eftir þekktum persónum úr veraldarsögunni eða persónum úr kvikmyndum, en konur eftir börnum. Margir bílar hafa fengið nöfn í þekktum kvikmyndum og skemmst er að minnast Eleanor úr Gone in 60 Seconds, Christine úr myndinni Christine og Herbie bílnum úr samnefndri kvikmynd. Sjá má brot úr þeirri kvikmynd í myndskeiðinu.   

Mest lesið




×

Mest lesið