Bílar

Audi A3 Sedan fær Gullna stýrið

Finnur Thorlacius skrifar
Audi A3 Sedan.
Audi A3 Sedan.
Nýr A3 Sedan hefur hlotið ein eftirsóttustu verðlaunin í bílaiðnaðinum, Gullna stýrið 2013. Í ár voru 49 tilnefningar til verðlaunanna, sem lesendur Auto Bild og Bild am Sonntag og hópur sérfræðinga velja í sameiningu.   Audi A3 Sedan hafnaði í efsta sæti í „miðflokki“.

 Með þessum sigri fjölgar enn rósunum í hnappagati Audi.   Þetta er 23. Gullna stýrið í 38 ára sögu verðlaunanna sem fellur í skaut fyrirtækisins.

Engin önnur tegund hefur fengið fleiri verðlaun.   Nýi Audi A3 Sedan er fyrsti stallbakurinn frá Audi í flokki „premium“-smábíla.   Tæknibúnaðurinn, notagildið og þægindin heilluðu bæði lesendur og dómnefnd.

 Auto Bild og Bild am Sonntag hafa veitt Gullna stýrið fyrir bestu bílana á hverju ári síðan 1976. Verðlaunaflokkarnir eru sex talsins:   Litlir bílar og smábílar, Miðflokkur, Blæju- og tveggja sæta bílar, Jeppar og Lúxusflokkur.

Mest lesið


Fleiri fréttir

Sjá meira


×

Mest lesið