Hvernig aka má á hvolfi

Að snúa hlutunum á hvolf er sjaldnast heillavænlegt, en stundum virkar það. Þessum bíl var ekið á hvolfi á Lemons grínþolaksturskeppninni sem haldin er fyrir bíla sem kosta minna en 500 dollara. Þar sjást jafnan mjög undarlegir bílar og þessi er engin undantekning frá því.

Eigandi hans hefur einfaldlega snúið honum við og sett hjól undir, eða öllu heldur ofan á bílinn og soðið veltigrind "undir bílinn". Bíllinn virðist svínvirka svona og gefur öðrum bílum keppninar lítið eftir, eins og sést í myndskeiðinu. Bílgerðin er Ford Festiva/Chevrolet Camaro. Auðvitað vann þessi bíll til verðlauna í Lemons keppninni, enda ekki á hverjum degi sem bílum er ekið á hvolfi.