Húsaskip eða skipahús

Á þessum tímum endurvinnslu er náttúrulega kjörin hugmynd að nota aflögð skip, flytja þau á þurrt land og gera þau að íverustað. Hér sjást nokkrar útfærslur af þessari ágætu hugmynd. Húsið hér til hliðar stendur á South bass eyju út í Eerie vatni í Ohiofylki í Bandaríkjunum.

Þetta skip var byggt árið 1924 fyrir bílaframleiðandann Ford og það flutti stál og önnur efni á vötnunum stóru, en Eerie er eitt þeirra. Skipið var aflagt árið 1981 og selt Frank J. Sullivan. Hann skildi á milli framenda skipsins og búks þess, flutti framendann á þennan fallega stað og gerði úr því sérstakt sumarhús. Húsið, eða skipið öllu heldur, er 650 fermetra stórt, á fjórum hæðum og mörg af herbergjum þess eru enn í upprunanlegri mynd.