Sjö lykilmenn vantar í landsliðshóp Arons

Aron Kristjánsson, þjálfari karlalandsliðs Íslands í handbolta, hefur valið 17 manna hóp fyrir leikinn gegn Hvíta Rússlandi í undankeppni EM sem fram fer ytra þann 12. júní.

Arnór Atlason kemur aftur inn í íslenska landsliðið en hann hefur verið frá vegna meiðsla í síðustu landsleikjum. Þá eru BJarki Már Gunnarsson, leikmaður HK, og Ragnar Jóhanssson, örvhent skytta FH-inga, í hópnum.

Markvörðurinn Daníel Freyr Andrésson og Ólafur Stefánsson koma til móts við liðið fyrir leikinn gegn Rúmeníu í Laugardalshöll þann 16. júní. Leikurinn er sá síðasti í undankeppninni og er um kveðjuleik fyrir Ólaf Stefánsson að ræða.

Íslenska liðið hefur þegar tryggt sér sæti í lokakeppninni í Danmörku á næsta ári. Liðið þarf þó að leggja Rúmena hið minnsta til þess að tryggja sér efsta sæti riðilsins.

Miðasala á landsleikinn gegn Rúmeníu er hafin á midi.is.

Mikið er um forföll í íslenska liðið að þessu sinni en 7 leikmenn eru frá vegna meiðsla. Það eru Alexander Petersson, Aron Pálmarsson, Ásgeir Örn Hallgrímsson, Ingimundur Ingimundarson, Róbert Gunnarsson, Vignir Svavarsson og Þórir Ólafsson.

Markmenn

Aron Rafn Eðvarðsson, Haukar

Björgvin Páll Gústavsson, Magdeburg

Aðrir leikmenn

Arnór Þór Gunnarsson, Die Bergische Handball Club

Arnór Atlason, Flensburg

Atli Ævar Ingólfsson, Sonderjyske

Bjarki Már Gunnarsson, HK

Guðjón Valur Sigurðsson, THW Kiel

Ernir Hrafn Arnarson, Emsdetten

Kári Kristján Kristjánsson, HSG Wetzlar

Ólafur Andrés Guðmundsson, Kristianstad

Ólafur Gústafsson, Flensburg

Ólafur Bjarki Ragnarsson, Emsdetten

Ragnar Jóhannsson, FH

Rúnar Kárason, TV Grosswallstadt

Snorri Steinn Guðjónsson, GOG

Stefán Rafn Sigurmannsson, Rhein-Neckar Löwen

Sverre Andreas Jakobsson, TV Grosswallstadt