Lamborghini Gallardo springur á bensínstöð

Þeir sem hefðu hugsað sér að kaupa notaðan Lamborghini Gallardo ættu að fara að drífa sig í kaupunum því þeim fer óðum fækkandi. Fækkunin stafar helst af því að þeim er hætt við að springa í loft upp án nokkurrar skýringar. Það henti einmitt þennan bíl en eigandi hans renndi honum upp að bensíndælu, drap á bílnum og hóf að dæla bensíni á hann en þá sprakk vélin í bílnum í loft upp og gereyðilagði hann.

Eigandann sakaði ekki, né heldur sprakk öll bensínstöðun í loft upp í kjölfarið. Kannski ættu áhugasamir kaupendur sem vilja eignast “hot” bíl að hafa það í huga að þessi er kannski of “hot”, því mörg önnur dæmi eru um að þessi gerð springi í loft upp án sýnilegra skýringa. Þó má kannski hugga sig við það að Lamborghini endurgreiðir líklega bíla sem enda líf sitt svona.

Í myndskeiðinu sést annar Lamborghini Gallardo fuðra upp í miklu eldhafi á hraðbraut fyrir 3 árum.