BMW X4 kemur á næsta ári

Er byggður á sama undirvagni og X3 jepplingurinn og er í raun "coupe" útfærsla hans.

Frá því BMW kynnti fyrsta X-bíl sinn árið 1990 hefur fyrirtækið selt 2,7 milljónir af þeim til dagsins í dag. Ein gerð enn í þessari línu jeppa og jepplinga BMW mun þó bætast við, þ.e. X4, sem er eiginlega „coupe"-útfærsla af X3 jepplingnum og byggður á sama undirvagni. Bíllinn verður framleiddur í Bandaríkjunum, á stærsta markaðinum fyrir slíkan bíl og hefur BMW fjárfest fyrir 900 milljónir dollara í verksmiðju í Spartanburg í S-Karolínu til smíði hans.

Þær vélar sem verða í boði í nýjum X4 í Bandaríkjunum verða 240 hestafla forþjöppudrifin 2,0 l. og fjögurra strokka bensínvél og sex strokka og þriggja lítra forþjöppudrifin 300 hestafla vél sem einnig brennir bensíni. Í Evrópu verður hann einnig í boði með dísilvélum og það gæti einnig orðið vestanhafs seinna meir.