Kolfinna í ítalska Vogue

Fyrirsætan Kolfinna Kristófersdóttir kemur fyrir í myndaþætti fyrir ítalska Vogue sem nefnist Because The Night.

Ljósmyndarinn Steven Meisel myndaði þáttinn en hann myndaði meðal annars Madonnu fyrir bók hennar Sex sem kom út árið 1992. Meisel stundaði nám við Parsons The New School for Design og hefur áður unnið með tískuhúsum á borð við Versace, Valentino, Dolce & Gabbana og Calvin Klein.

Vogue birti á síðu sinni myndband frá tökunum og er andrúmsloftið draumkennt og svolítið drungalegt, hægt er að sjá það hér á síðunni Vogue.it. Ferill Kolfinnu virðist því vera á hraðri uppleið, en stúlkan vakti einnig mikla athygli fyrir frammistöðu sína á tískuvikunum í byrjun ársins. - trs, sm