Litadýrð og loðkragar fyrir herrana

Herratískan í Mílanó var sýnd í síðustu viku en þar kenndi ýmissa grasa í herratískunni fyrir komandi haust og vetur. Loðfóðraðir gallajakkar og úlpur voru áberandi, síðir ullarfrakkar með loðkraga og munstraðar prjónapeysur voru áberandi.

Einnig var mikið um æpandi litadýrð þar sem litir á borð við appelsínugulan, grænan og bláan voru vinsælir. Mikið var um að hönnuðir blönduðu saman litum þar sem skyrta, peysa, buxur og jakki voru öll í mismunandi lit.

Smellið á myndina til að fletta myndasafninu og sjá brot af því besta frá nýafstaðinni tískuviku í Mílanó.