Bieber í kuldanum eftir rifrildi

Justin Bieber og núverandi, fyrrverandi eða þáverandi kærastan hans, Selena Gomes, reyndu að settla málin á veitingahúsinu Yamato á föstudagskvöldið í Kaliforníu eftir að upp úr sauð þegar drengurinn fór hamförum baksviðs á Victoria´s Secret undirfatasýningunni á dögunum þar sem hann reyndi við flest allar fyrirsæturnar.

Justin og Selena snæddu saman en áður en forrétturinn var framreiddur varð allt vitlaust og þau byrjuðu að rífast. Rifrildið var hávaðasamt og truflaði aðra gesti á veitingastaðnum að sögn vitna. Þá ruku þau út og yfirgáfu staðinn í sitt hvoru lagi.

Justin keyrði beina leið frá veitingastaðnum heim til Selenu en honum var ekki hleypt í gegnum öryggishliðið. Poppstjarnan keyrði síðan burt eftir að hafa reynt að hringja í stúlkuna fyrir utan heimilið hennar þó nokkuð oft.

Taktu þátt í gjafaleiknum okkar á Facebook.