Fiskar á land og tilboð í Skjálfandafljót eftir helgi

Veiðimenn sem voru á efri Austurbakka Skjálfandafljóts síðdegis á fimmtudag fengu þrjá laxa. Á Austurbakka neðri veiddust tveir fiskar á sama tíma að því er segir á agn.is.

"Síðan heyrðum við í þeim sem voru í Barnafelli og Vesturbakka Neðri en þeir fengu tvo í Barnafelli og mistu einn sem var áætlaður á bilinu 15-20 pund. Einnig fengu þeir eina 6 laxa á vesturbakkanum. Einn í stóra Grænhyl og 5 laxa í Litla grænhyl. Það er uppsellt um helgina en við eigum lausar stangir á tilboði eftir helgi fyrir þá sem vilja skella sér," segir á agn.is.