Myndband af stórlaxaveiði í Hrútu

Nils Folmer Jörgensen er einkar lunkinn veiðimaður og "stórlaxabani". Á vefsíðu Strengja er nú myndband af því þegar hann landaði nokkrum risum í Hrútafjarðará.

Um síðustu helgi, nánar tiltekið á einni kvöldvakt og broti af morgunvakt, náði hann fimm löxum. Fjórir af þeim voru stórlaxar, 85, 94, 97 og 101 sentímetri að lengd. Myndbandið má sjá hér.

Í gær kom síðan 97 sentímetra lax á land í Sírus en um síðustu helgi lét Nils einmitt hafa það eftir sér að líklega væru svona 30 laxar í þeim hyl. Alls eru 95 laxar komnir á landi í Hrútu en samkvæmt vef Strengja vantar smálaxinn í ána. Þannig er reyndar staðan í mörgum ám víða um land.

Eins og áður sagði er Nils lunkinn veiðimaður. Veiðivísir hefur nokkrum sinnum sagt frá veiðiferðum hans eins og lesa má hér:

Risaurriði í Minnivallalæk.

108 sentímetra lax í Vatnsdalsá.

trausti@frettabladid.is