Lúxusvillan þar sem Pattinson dvelur

Leikarinn Robert Pattinson, 26 ára, er að hugsa sinn gang á heimili vinkonu sinnar, Reese Witherspoon, sem hann kynntist við tökur á kvikmyndinni Water for Elephants á síðasta ári.

Robert hefur ekki enn ákveðið sig hvort hann kæri sig nokkuð um að taka aftur saman við unnustu sína Kristen Stewart, 22ja ára, sem hélt fram hjá honum með leikstjóranum Rupert Sanders, 41 árs.

Kristen vill meira en allt annað taka aftur saman við Robert en hann hefur ekki gefið henni kost á að nálgast sig síðan hann skoðaði myndir af kossaflensi kærustunnar og leikstjórans á síðum US Weekly.

Nýverið bauð Reese ELLE Decor tímaritinu í heimsókn á búgarðinn sinn þar sem Robert dvelur. Myndirnar má skoða í myndasafni.