Axel á einu undir eftir fyrsta hring á Írlandi

Axel Bóasson úr Keili lék fyrsta hringinn á Evrópumóti einstaklinga á Írlandi á 71 höggi eða einu höggi undir pari.

Axel fékk fjóra fugla og einn skolla á hringnum. Hann deilir 30. sæti með fjórtán öðrum kylfingum. Ekki gekk jafnvel hjá Kristjáni Þór Einarssyni, kollega Axels hjá Keili, og Ólafi Birni Loftssyni úr Nesklúbbnum.

Kristján Þór spilaði hringinn á 76 höggum eða fjórum höggum yfir pari. Ólafur Björn spilaði á höggi meira, 77 höggum, eða fimm yfir pari. Leik verður framhaldið á morgun.