Tilboð í Langá komandi rigningarhelgi

Stangaveiðifélag Reykjavíkur býður nú tilboð á veiðileyfum í Langá um helgina. Vonast er eftir hækkandi sól í veiðinni með rigningum sem spáð er næstu daga.

"Síðasta holl í Langá gaf 32 laxa. Oft hefur veiðin verið meiri á þessum tíma en þess ber þó að geta að stór hluti aflans var nýgenginn lax sem veiddist á neðri svæðum árinnar. Nú er komið gott veiðiveður með rigningu og dumbungi, vaxandi vatn og fiskur greinilega að ganga," segir á vef Stangaveiðifélagsins sem býður tilboðsstangir á kvöldvakt á laugardag og á morgunvakt á sunnudag.