Veiði

Fiskur í Hlíðarvatni í miklu fæði og hunsar veiðimenn

Saddar bleikjur gefa lítið færi á sér í Hlíðarvatni um þessar mundir.
Saddar bleikjur gefa lítið færi á sér í Hlíðarvatni um þessar mundir. Mynd/Garðar
Veiði í Hlíðarvatni í Selvogi hefur verið dræm samkvæmt frétt á vef stangaveiðifélagsins Ármenn. Skýringin er sögð mikið fæðuframboð sem letji silunginn til að taka flugur veiðimanna.

"Það hefur borið á gæftaleysi við Hlíðarvatn í sumar. Eru margar kenningar um ástæður fyrir því," segir á armenn.is.

Vísað er til þess sem fram kom í maíhefti Áróðurs, félagsblaðs Ármanna, að veiðifélögin við vatnið hafi beðið um fiskifræðilega rannsókn á vatninu. Sú rannsókn hefjist á vegum Veiðimálastofnunar síðsumars eða í haust.

"Ein ástæðan fyrir gæftaleysinu er sögð vera mikið fæðuframboð í vatninu og fiskurinn því ekki að skoða manngerðar flugur þegar hann getur lifað í vellystingum án mikillar fyrirhafnar," segir á vef Ármanna.





Stangveiði

Mest lesið




×

Mest lesið