Rangárnar nálgast samtals 300 laxa

Mjög góður gangur er í Rangánum þessa dagana samkvæmt upplýsingum á vef söluaðilans, Lax-á. Samtals um 300 laxar eru komnir á land úr ánum tveimur.

"Ytri Rangá er að detta í 130 laxa og Eystri Rangá er að detta í 170 laxa. Þetta eru bestu veiðitölur svo við munum eftir á þessum tíma," segir á Lax-a.is.

Flestir laxanna sem hafa veiðst eru sagðir vera stórlaxar. "Bara núna síðustu daga hafa menn byrjað að verða varir við smálax og er greinilegt að stóri straumurinn 5 júlí er byrjaður að skila inn og verður gaman að sjá um helgina hvað veiðitölurnar munu hækka," segir á lax-a.is.