Frábært í Elliðánum en veiðiþjófar stálust í Fossinn

Veiðin í Elliðaánum hefur verið afbragðsgóð þar sem af er sumri. Á hádegi í fyrradag fór veiðin yfir 300 laxa að því er segir á vef Stangaveiðifélags Reykjavíkur.

Fram kemur á svfr.is að mikill lax sé í Elliðaánum. Hátt í 500 laxar hafi gengið teljarann upp á efri svæðin

"Það er gott vatn í ánum eftir rigningu gærdagsins, og lax er stöðugt að ganga í kjölfar stórstreymis," segir á svfr.is. Selur hafi verið í ósnum á föstudaginn en hann hafi ekki sést síðan:

"Aftur á móti sást til veiðidóna í fyrrinótt. Þá kom vegfarandi að mönnum við veiðar í Fossinum. Unnendur ánna eru hvattir til að kalla til lögreglu ef sést til "veiðimanna" utan hefðbundins veiðitíma í ánum."