Veiði í einni lengstu á landsins að hefjast

Veiði hefst í Skjálfandfljóti í dag. Á síðustu fimm árum hafa fyrstu tvær vikurnar gefið að meðaltali 43 laxa. Heildarveiðin síðasta sumar var um 600 laxar.

Skjálfandafljót er 180 kílómetra langt og fjórða lengsta á landsins. Það á uppruna sinn í norðvestur hluta Vatnajökuls, nánar tiltekið í Vonarskarði sem er á milli Vatnajökuls og Tungnafellsjökuls, og fellur til sjávar í botni Skjálfanda. Vatnið í fljótinu er ekki eingöngu jökulvatn heldur rennur mikið af lindarvatni í það undan Ódáðahrauni.

Á vef Lax-á segir að veðrið síðustu vikur hafa verið mjög hagstætt.

"Fyrsta vika veiðitímabilsins í Skjálfandafljóti hefur oft gefið góða veiði og er uppistaða aflans á þessum tíma jafnan nýgengnir steraboltar," segir á vef Lax-Á. "Á undanförnum fjórum árum hefur fyrsta vika veiðitímabilsins verið mjög góð. Að lax virðist ganga snemma er ekki til að minnka bjartsýni manna fyrir góðri opnun og víst er að stórstreymið þann 21. júní mun ekki heldur skemma fyrir."