Frábær kort sem nýtast veiðimönnum vel

Bæði Skipulagsstofnun og Landmælingar Íslands eru með mjög góða kortagrunna á sínum vefsíðum. Hægt er að þysja inn og út og skoða ár og vötn mjög nákvæmlega.

Þessi kort, sem eru byggð á gervitunglamyndum, geta hjálpað veiðimönnum mikið þegar þeir eru að skipuleggja veiðiferðir og vilja glöggva sig á aðstæðum. Hægt er að skoða ár og vötn með mikilli nákvæmni sem og ökuleiðir, því á kortunum má oft sjá vegslóða meðfram t.d. ám.

Á vefsíðunum er meðal annars hægt að leita eftir heimilisfangi, örnefni eða heiti sveitarfélags. Mæla vegalengdir, fá hnit og margt fleira. Á báðum síðunum eru mjög góðar leiðbeiningar fyrir notendur.

• Hér er tengill á skipulagssjá Skipulagsstofnunar.
  
  
• Hér er tengill á kortasjá Landmælinga Íslands.