Sunna María : Súrt að detta út

„Það er frekar súrt að detta út svona rétt fyrir úrslitin," sagði Sunna María Einarsdóttir, leikmaður Fylkis, eftir 15-25 tap fyrir Valsstúlkum í Eimskipsbikarnum í kvöld.

„Við ætluðum að vera snöggar til baka, loka á hraðaupphlaupin hjá þeim. Við náðum því en við klikkuðum algerlega í sókninni, við hefðum mátt keyra betur á þær. Við skoruðum bara fjögur mörk í fyrri hálfleik, það er bara rangt.

„Við ákváðum í hálfleik að við þyrftum bara að berjast fyrir lífi okkar í seinni hálfleik, það skilaði okkur hinsvegar ekki lengra en þetta," sagði Sunna.