Arftaki Grace Kelly

Augu heimsbyggðarinnar eru á Ólympíusundstjörnunni Charlene Wittstock eftir að hún og Albert prins af Mónakó opinberuðu trúlofun sína síðasta sumar.

Haft er á orði að hún minni á móður prinsins, sjálfa Grace Kelly. Charlene Wittstock og Prins Albert II. hafa verið saman frá árinu 2006 og gerðu trúlofun sína opinbera á síðasta ári.

Mónakóbúar eru heldur spenntir því síðasta brúðkaup valdhafandi prins í furstadæminu var hið goðsagnakennda brúðkaup Grace Kelly og Prins Rainier III. árið 1956.

Charlene þykir hafa klassískan stíl eins og tengdamóðir hennar heitin og jafnvel gera í því síðustu árin að klæða sig og greiða í þeim stíl sem Grace Kelly var þekkt fyrir. -jma