Sálmur 95 - Ég vil með þér, Jesús, fæðast

Ég vil með þér, Jesús, fæðast, ég vil þiggja líf og sátt, ég vil feginn fátækt klæðast, frelsari minn, og eiga bágt. Ég vil með þér, Jesús, fæðast, ég er barn og kann svo fátt. Ég vil með þér, Jesús, dafna, jafnt að náð og viskugnótt, eigingirni heimsins hafna, helga Guði vit og þrótt, eftir mætti saman safna sannleiks auði dag og nótt. Ég vil með þér, Jesús, stríða, ég vil finna týndan sauð. Ég vil lækna sár, er svíða, seðja þann, sem vantar brauð. Ég vil með þér líka líða, lausnarinn góði, kross og nauð. Ég vil með þér, Jesús, deyja. Ég? Ó, hvað er allt mitt hrós? Æ, ég vil mig bljúgur beygja, breysk og kalin vetrar rós. Ég vil með þér, Jesús, þreyja, ég er strá, en þú ert ljós.