Unaðsleg eplakaka með möndlum

Á veturna þegar kuldi og myrkur færast yfir er fátt sem lætur manni líða jafn vel og ljúffeng og ilmandi eplakaka beint úr ofninum. Með þeyttum rjóma, ískúlum og örlitlum kanil verður úr fullkomin blanda.

• 130 g smjörlíki
• 130 g sykur
• 1 egg
• ½ teskeið lyftiduft
• 125 g hveiti
• 2 epli
• 10-15 möndlur
• 1 msk. kanill

Hrærið saman sykri og smjöri. Setjið eggið út í og þeytið þar til deig er orðið létt. Hrærið lyftidufti og hveiti saman við. Fletjið um það bil helming af deigi út. Setjið í springform í bökunarpappír. Bakið í ofni 200 gráður í tíu mínútur.

Skrælið epli og skerið í þunna báta eða skífur. Brytjið möndlur niður. Leggið epli og möndlur í botninn ofan á bakaða deigið.

Stráið kanil og þremur auka matskeiðum af sykri yfir. Fletjið afganginn af deiginu út og leggið ofan á. Stingið göt hér og hvar í deigið og bakið í ofni þar til kakan er gyllt.

Berið fram til dæmis með þeyttum rjóma eða ís. Heimagerður ís klikkar aldrei. Gott að strá kanil yfir.