Verðlaunavítamín á markað á Íslandi

Við erum að setja á markað stóra vítamínlínu frá Bretlandi, undir merkjum vítamínrisans Vitabiotics," segir Sandra Kristjánsdóttir, vörumerkjastjóri hjá Icepharma, umboðsaðila Vitabiotics á Íslandi.

„Þetta eru markhópatengd vítamín sem hugsuð eru þannig að fólk geti tekið eina vítamíntöflu sem inniheldur allt sem viðkomandi þarf á að halda," segir Sandra og útskýrir það nánar: „Allar töflurnar eru með sama steinefna- og fjölvítamíngrunninn, þannig að allir fá nauðsynleg grunnvítamín sem líkaminn þarfnast, en hver og ein tegund inniheldur svo alls kyns aukavítamín og bætiefni sem henta þörfum markhópsins hverju sinni," upplýsir Sandra og nefnir sem dæmi að til séu töflur fyrir konur og karla á öllum aldri, heilann og minnið, íþróttafólk, ófrískar konur, börn, konur á breytingaskeiði og svo mætti lengi telja.

Sandra segir að allir geti fundið vítamín við sitt hæfi innan Vitabiotics-línunnar. „Fyrirtækið sem framleiðir vítamínin er breskt og vítamín þess eru þau mest seldu þar í landi.

Fyrirtækið hefur tvisvar sinnum hlotið konunglegu verðlaunin „The Queen"s Awards for Enterprise" í Bretlandi. Einstök vítamín frá Vitabiotics hafa einnig hlotið ýmis verðlaun, til dæmis frá Boots-keðjunni í Bretlandi," segir Sandra og bætir við að vítamínin séu öflug og traustsins verð. Vitabiotics hefur einnig stutt vel við bakið á afreksfólki í íþróttum í Bretlandi og eru fjölmargir þeirra á leið á Ólympíuleikana í London 2012 og segja vítamínin hafa skilað sér auknum árangri.

Vitabiotis-vítamínin fást í öllum apótekum og einnig í völdum matvöruverslunum á höfuðborgarsvæðinu.