Fækkun stangardaga hjá SVFR á Bíldsfelli

Og meira af Bíldsfellinu.  Eigendur þriðjungs veiðiréttar í Bíldsfelli í Sogi hafa ákveðið að nýta veiðidaga sína sjálfir næsta sumar. Því fækkar veiðidögum SVFR sem þvi nemur.

Stjórn SVFR var tilkynnt um þessa tilhögun fyrir skömmu. Vegna þessa mun stangardögum félaga á veiðisvæði Bíldsfells fækka um þriðjung strax næsta sumar.

Þetta mun auka enn frekar á umsóknarþugnann á veiðidagana í Bíldsfelli, sem hafa fram til þessa verið ákaflega umsetnir. Veiðin í Bíldsfelli, og í raun Soginu öllu, hefur verið mjög góð allt frá því að SVFR keypti upp netalagnir við Selfoss.

Birt með góðfúslegu leyfi SVFR