Aðeins um 100 laxar úr Hvannadalsá í sumar

Hvannadalsá var töluvert undir væntingum í sumar, eins og svo margar aðrar ár, þó var gott hlutfall stórlaxa í ánni. Samkvæmt okkar bókum komu rétt rúmlega 100 laxar úr ánni í sumar sem er töluvert fall frá 465 löxum í fyrra. Hluti af skýringunni er eflaust sá að í sumar var einungis leyð fluguveiði í fyrsta skipti og reynslan sýnir okkur að fyrsta ár í fluguveiði skilar alltaf lægri heildartölu en vanalega.

En ekki dugir að sýta það, heldur skal horft til framtíðar – úr árgangnum sem skilaði sér í sumar er von á 2ja ára laxi næsta sumar auk þess sem falleg og hreystileg seiði gengu til sjávar nú í vor.

Birt með góðfúslegu leyfi Lax-Á