Óvænt truflun á veiðistað

Veiðimaður sem átti Þrastalundarsvæðið í Soginu byrjaði laugardaginn vel og fékk tvo laxa. Um hádegisbil gerðist hins vegar nokkuð sem gerði út af við alla veiði.

Það var mikið líf á svæðinu um morguninn og náðu veiðimenn tveimur löxum í Kúagili. Áttu þeir von á nokkuð líflegum eftirmiðdegi þegar að gúmbátur og Jet-Ski komu á fullri ferð upp flúðirnar og námu staðar á tökustaðnum í Kúagilinu.

Eftir þetta var úti um alla veiðimöguleika.

Verið er að kanna málið hvað þarna gerðist, en líkur eru á því að á ferð hafi verið björgunarsveitarmenn frá Árborg á æfingu. Forsvarsmönnum SVFR hefur verið falið að kanna málið nánar.

Birt með góðfúslegu leyfi SVFR