Klakveiði í Langadalsá og Hvannadalsá

Vel gekk í klakveiði í Langadalsá og Hvannadalsá um helgina en veiði lauk í báðum ám þann 24. september. Alls komu 263 laxar úr Langadalsá og sléttir 100 úr Hvannadalsánni í sumar. Í klakveiðinni í Hvannadalsá fengust 21 lax og á þessum veiðistöðum. Réttarfljót 2 laxar, Hellisfoss 10 laxar, Pallklettar 2 laxar og Stékkjarfljót 7 laxar, samtals 21 lax. Var skiptingin nokkuð jöfn í hænga og hrygnur en nokkrar mjög fallegar hrygnur fengust.

Í Langadalsá var fiskur víða en þó mest framarlega í dalnum, þá Túnfljóti og Efrabólsfljóti. Einnig var nokkuð af laxi niður við þjóðvegarbrú. Dregið var í Efrabólsfljóti og teknir 22 laxar, 12 hrygnur og 10 hængar, í klak. Töluvert af laxi var eftir í hylnum þegar búið var fá það sem þurfti. Stærsti lax sem fékkst í Langadalnum var yfir 90cm en honum var sleppt aftur í ána.

Birt með góðfúslegu leyfi Lax-Á