Tveir risar úr Vatnsdalsá

Vatnsdalsá heldur áfram að gefa risalaxa og nú nýverið voru tveir dregnir á land sem mældust 100 sm og 103 sm.  Annar laxinn var tekinn í Hnausastreng en hinn í Hlíðarfljóti.  Þess má geta að 100 sm laxinn sem var tekinn í Hnausastreng var maríulax.  Ekki amalegt að byrja veiðiferilinn á svona flottum lax.

Hin hefðbundna haustveiði virðist ekki ennþá farin í gang samkvæmt fréttum af vef þeirra Vatnsdalsármanna www.vatnsdalsa.is því veiðistaðir eins og Hnausastengur eru ennþá inni, en samkvæmt venjunni ætti veiðin að vera farin að færast meira uppá dal.  Áin gæti því ennþá bætt við nokkrum risum í veiðibókina en þeir eru komnir vel á fjórða tuginn drjólarnir úr ánni í sumar.