98 sm lax úr Húseyjarkvísl

Hópur sem lauk veiðum í Húseyjakvísl nýverið gerði ágætis veiði þrátt fyrir lítið vatn í ánni.  Meðal aflans var einn 98 sm lax sem er stærsti laxinn úr ánni í sumar.  Hópurinn naut leiðsagnar Sævars og Hörðs Hafsteinssona sem þekkja ánna eins og lófan á sér.  Það sýnir og sannar í enn eitt skiptið að menn ættu að hafa leiðsögumenn sér til handa þegar á er veidd í fyrsta skipti.  Kostnaðurinn við það er lítill í samanburði við veiðileyfi, bensín o.fl. en skilar aftur á móti miklu betri árangri í veiðinni.

Húseyjakvísl er vel þekkt sem góð síðsumarsá og einnig sem ein af betri sjóbirtingsveiðiám landsins.  Vorveiðin í ánni hefur verið drjúg í sjóbirting og haustið líka.  Það er því góður tími framundan í ánni og það má eiga von á að hún bæti slatta við áður en tímabilinu lýkur.