Verður slegið nýtt met í Breiðdalsá?

Nú hafa 790 laxar veiðst í Breiðdalsá og ennþá góður tími framundan í ánni.  Heildarveiðin í fyrra var met en þá veiddust 1178 laxar, en það má alveg fastlega reikna með að áin gæti farið yfir þá tölu því fyrstu tvær vikurnar í september hafa oft gefið flotta veiði.

Það hefur verið gott hlutfall tveggja ára laxa í ánni og göngur mjög jafnar alveg frá opnun.  Bleikjuveiðin á silungasvæðinu hefur líka verið ágæt og sumir hafa líka sett í laxa á því svæði þegar laxinn fer þar í gegn á leið sinni upp í Breiðdalsá.  Bleikjan hefur verið væn og kemur vel haldin úr sjó.  Við ætlum að skjóta á að það verði nýtt met slegið í ánni þetta sumarið og að áin endi í ca. 1200 löxum.