Veiði

Mikið líf í Eystri Rangá

Karl Lúðvíksson skrifar
Mynd af www.lax-a.is
Það var mikið fjör á laugardaginn í Eystri Rangá en alls komu um 70 laxar á land. Laxinn var að taka um alla á en þó báru svæði eitt og sex uppúr. Svæði sjö og tvö voru einnig að hrökkva í gang. Það gerðist svo sunnudagsmorgun að það hellirigndi á svæðinu og áinn varð lituð og óveiðanleg mest allan sunnudag. Það bitnaði heldur betur á veiðinni en um 12 fiskar komu á land yfir daginn.

Þeir hjá Lax-Á heyrðu í Óla veiðiverði og sagði hann ánna eins í morgun og vonaði að hún yrði betri í síðdegisvaktinni. Hann bætti við að nóg af fiski sé að ganga og mest af því smálax. Það verður því veisla hjá þeim veiðimönnum sem verða í ánni þegar hún jafnar sig aftur.

Birt með góðfúslegu leyfi Lax-Á

Stangveiði

Mest lesið




×

Mest lesið