Pepsi-deild kvenna: Bares sigraðist á Birnu

Stjarnan sigraði ÍBV 2-1 á heimavelli sínum í Garðabæ í kvöld og varð þar með fyrsta liðið til að sigra og skora hjá ÍBV í sumar en með sigrinum komst Stjarnan upp fyrir ÍBV og í annað sæti Pepsí deildar kvenna.

Það leit þó ekki vel út í hálfleik fyrir Stjörnuna því ÍBV var 1-0 yfir með marki Kristínar Ernu Sigurlásdóttur á 23. mínútu en ÍBV hafði ekki fengið á sig mark fyrir leikinn og hélt Birna Berg Haraldsdóttir í raun marki sínu hreinu í 515 fyrstu mínútur ÍBV á tímabilinu eða allt þar til Ashey Bares fann leiðina fram hjá henni á 66. mínútu.

Ashley Bares var aftur á ferðinni níu mínútum síðar eftir mistök Birnu í markinu og tryggði Stjörnunni þar með stigin þrjú í þessum mikilvæga toppslag.

Stjarnan var mikið betri aðilinn í seinni hálfleik og munar þar mestu um að liðið stjórnaði miðjunni algjörlega eftir harða og jafnari baráttu í fyrri hálfleik. Það virtist draga af leikmönnum ÍBV er leið á leikinn og lá jöfnunarmarkið í loftinu þegar það kom.

ÍBV fékk þó eitt færi til að jafna leikinn í uppbótartíma en Berglind Björg skallaði þá yfir mark Stjörnunnar frá vítapunktinum og því fóru stigin þrjú í Garðabæ.

Úrslit kvöldsins:

Stjarnan-ÍBV 2-1

0-1 Kristín Erna Sigurlásdóttir (23.), 1-1 Ashley Bares (66.), 2-1 Ashley Bares (75.)

Þór/KA-Afturelding  3-1

0-1 Kristrún Halla Gylfadóttir (12.), 1-1 Rakel Hönnudóttir (59.), 2-1 Rakel Hönnudóttir (74.), 3-1 Mateja Zver (90.+1).

Fylkir-Þróttur R.  2-1

1-0 Anna Björg Björnsdóttir (11.), 2-0 Ruth Þórðardóttir (31.), 2-1 Margrét María Hólmarsdóttir (43.)

Valur-Breiðablik  3-1

1-0 Caitlin Miskel (4.), 2-0 Hallbera Guðnú Gísladóttir (46.), 3-0 Dagný Brynjarsdóttir (52.), 3-1 Greta Mjöll Samúelsdóttir (75.)

Grindavík-KR   1-1

0-1 Margrét Þórólfsdóttir (17.), 1-1 Shaneka Gordon (31.).

Upplýsingar um markaskorara fengnir frá fótbolti.net