Aron Pálmarsson fer ekki með til Brasilíu

Aron Pálmarsson fer ekki með íslenska landsliðinu til Brasilíu og er enn einn sterkur leikmaður sem dettur út úr íslenska hópnum. Ástæðan eru meiðsli en þetta kom fyrst fram í hádegisfréttunum á Bylgjunni.

Sverre Jakobsson fer ekki með í ferðina til Brasilíu þar sem hann giftir sig á Akureyri í dag, Hreiðar Levy Guðmundsson spilar með Emsdetten um helgina í umspilsleik um laust sæti í þýsku úrvalsdeildinni og bæði Róbert Gunnarsson og Alexander Petersson fá frí í leiknum. Ólafur Stefánsson tók heldur ekki þátt í þessum júníleikjum vegna meiðsla.

Nú síðast bættist síðan Aron Pálmarsson í hóp þeirra fastamanna sem verða ekki með í leikjunum sem fara fram 16. og 18. júní.