Tap gegn Slóvenum í fyrsta leik á HM

Ísland tapaði sínum fyrsta leik á lokakeppni HM í handbolta U18 ára liða. Leikið er í Svartfjallalandi en Ísland tapaði fyrir Slóvenum í dag, 34-31.

Staðan í hálfleik var 15-15. Næsti leikur liðsins er gegn Sviss á morgun og svo er leikið gegn Tékkum á sunnudaginn.

Samkvæmt opinberri skýrslu mótsins var Akureyringurinn Guðmundur Hólmar Helgason besti maður liðsins í dag.

Markaskorarar Íslands:

Sveinn Sveinsson 7, Guðmundur Hólmar Helgason 6, Geir Guðmundsson 5, Víglundur Þórsson 4, Rúnar Kristmannsson 3, Pétur Júníusson 3, Arnar Birkir Hálfdánarson 1, Ísak Rafnsson 1, Árni Benedikt Árnason 1.