NBA-deildin: Lebron með þrefalda tvennu í tapi Cavs

Cleveland Cavaliers hafa farið illa af stað í NBA-deildinni og tapað báðum leikjum sínum til þessa en í nótt tapaði liðið 101-91 fyrir Toronto Raptors.

LeBron James var að vanda stigahæstur hjá Cavaliers en hann var með þrefalda tvennu í leiknum, skoraði 23 stig, tók 11 fráköst og átti 12 stoðsendingar.

Boston Celtics spilaði grimman varnarleik gegn Charlotte Bobcats og hélt andstæðingum sínum undir sextíu stigum en lokatölur urðu 92-59. Þetta var annar sigurleikur Celtics í tveimur leikjum.

Ray Allen var stigahæstur hjá Celtics með 18 stig en Paul Pierce kom næstur með 15 stig.

Úrslitin í nótt:

Boston-Charlotte 92-59

Toronto-Cleveland 101-91

Atlanta-Indiana 120-109

Orlando-Philadelphi 120-106

Memphis-Detroit 74-96

Minnesota-New Jersey 95-93

Oklahoma-Sacramento 102-89

San Antonio-New Orleans 113-96

Denver-Utah 114-105

Golden State-Houston 107-108