Nýr höfundur mættur 29. nóvember 2008 06:00 Nýtt leikrit er frumflutt í Útvarpsleikhúsinu á morgun. Höfundurinn er Starri Hauksson. Mynd/RUV Í dag kl. 14 flytur Útvarpsleikhúsið nýtt íslenskt leikrit á Rás 1 Ríkisútvarpsins, Spor eftir Starra Hauksson. það er frumraun hans í Útvarpsleikhúsinu. Verkið dregur upp ljóðræna mynd af lífinu í kjölfar áfalls sem markar djúp spor í tilveruna. Andri er að verða þrítugur og býr einn. Í dag er afmælisdagur móður hans. Andri kemst ekki í afmælið því hann er upptekinn, eða kannski er hann upptekinn af því að vilja ekki mæta. Fyrir ári, á þessum degi, gerðist nokkuð sem olli straumhvörfum í lífi hans, fjölskyldunnar og vinahópsins. En örlögin grípa í taumana og Andri fær ekki lengur umflúið að horfast í augu við atburðinn – og sjálfan sig um leið. Starri Hauksson er uppalinn í Garði Mývatnssveit, sonur Stefaníu Þorgrímsdóttur skáldkonu og Hauks Hreggviðssonar. Móðurafi hans var Þorgrímur Starri og amma hans hin kunna skáldkona Jakobína Sigurðardóttir. Hann fluttist til Reykjavíkur á menntaskólaaldri og heillaðist þar af leikhúsinu og tók þátt í uppsetningum leikrita og skrifaði löngu gleymd menntaskólaleikrit á þeim tíma er hann sótti Ármúlaskóla. Setti upp ljóða- og ljósmyndasýningu með Baldri Bragasyni ljósmyndara 1994 en flutti síðan utan ári síðar og flakkaði um Evrópu við ýmis störf. Starri kemur aftur til Íslands upp úr 2000 og fer að reka skemmtistaði í Reykjavík, og eru þeir orðnir ófáir sem hann kom nálægt. Tekur þátt í ýmsum ljóðagjörningum, en skriftir almennt hafðar sem „hobbý“. Skrifar einleikinn Önnu fyrir Lifandi Leikhús Þorleifs Arnar Arnarssonar sem var hluti af verkefninu Pentagon sem sett var upp í Iðnó á menningarnótt 2003. Anna var leikin af Sólveigu Guðmundsdóttur. Árið eftir leitar Starri til Guðmundar Inga Þorvaldssonar og Þórdísar Elvu Þorvaldsdóttur Bachmann, forsvarsmanna leikhópsins Fimbulveturs, með þá hugmynd að stofna til „Bar leikhúss” þar sem hann starfaði. Afrakstur þessa samstarfs var leikritið Ójólaleikritið sem sýnt var um jólin 2004. Kveikan að leikritinu Spor var stutt saga sem Starri hafði skrifað. Þórdís Elva las þá sögu þegar hún starfaði sem dramatúrg við Útvarpsleikhúsið og fannst söguefnið henta útvarpsleikriti. Það var neistinn sem eftir sumarlanga vinnu varð leikritið Spor. Starri vinnur nú að nýju verki sem hugsanlega klárast einhverntíma með komandi vori. Með aðalhlutverk í þessu nýja verki fara Sveinn Ólafur Gunnarsson í hlutverki Andra og Björn Thors í hlutverki Torfa. Grettir Páll Einarsson leikur Andra 12 ára og Árni Beinteinn Árnason leikur Torfa 14 ára. Önnur hlutverk: Sólveig Guðmundsdóttir, Ragnheiður Steindórsdóttir, Hallmar Sigurðsson og Víkingur Kristjánsson. Tónlist er eftir Axel Árnason en hljóðvinnslu annast Einar Sigurðsson. Leikstjóri: Guðmundur Ingi Þorvaldsson. Verkið er á dagskrá á morgun kl. 14 en er aðgengilegt á vef RUV.is næstu vikur. Mest lesið Komast ekki áfram nema þeir séu á skjánum Lífið Formleg spá og ítarleg greining á keppendum kvöldsins Lífið Vaktin: Komast Væb-bræður áfram? Lífið Tom Cruise stökk úr þyrlu með myndavél Íslendinga Bíó og sjónvarp „Mökkurinn var þéttur og við fórum í gegnum hann“ Lífið Egill í SuitUp keypti glæsiíbúð undir fasteignamati Lífið Íslendingarnir gleymdu mikilvægu hráefni á lokadeginum Lífið María Birta og Elli orðin tveggja barna foreldrar Lífið Sögulegt parhús í Hlíðunum Lífið Innlit í best skipulögðu íbúðina á Selfossi Lífið Fleiri fréttir Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
Í dag kl. 14 flytur Útvarpsleikhúsið nýtt íslenskt leikrit á Rás 1 Ríkisútvarpsins, Spor eftir Starra Hauksson. það er frumraun hans í Útvarpsleikhúsinu. Verkið dregur upp ljóðræna mynd af lífinu í kjölfar áfalls sem markar djúp spor í tilveruna. Andri er að verða þrítugur og býr einn. Í dag er afmælisdagur móður hans. Andri kemst ekki í afmælið því hann er upptekinn, eða kannski er hann upptekinn af því að vilja ekki mæta. Fyrir ári, á þessum degi, gerðist nokkuð sem olli straumhvörfum í lífi hans, fjölskyldunnar og vinahópsins. En örlögin grípa í taumana og Andri fær ekki lengur umflúið að horfast í augu við atburðinn – og sjálfan sig um leið. Starri Hauksson er uppalinn í Garði Mývatnssveit, sonur Stefaníu Þorgrímsdóttur skáldkonu og Hauks Hreggviðssonar. Móðurafi hans var Þorgrímur Starri og amma hans hin kunna skáldkona Jakobína Sigurðardóttir. Hann fluttist til Reykjavíkur á menntaskólaaldri og heillaðist þar af leikhúsinu og tók þátt í uppsetningum leikrita og skrifaði löngu gleymd menntaskólaleikrit á þeim tíma er hann sótti Ármúlaskóla. Setti upp ljóða- og ljósmyndasýningu með Baldri Bragasyni ljósmyndara 1994 en flutti síðan utan ári síðar og flakkaði um Evrópu við ýmis störf. Starri kemur aftur til Íslands upp úr 2000 og fer að reka skemmtistaði í Reykjavík, og eru þeir orðnir ófáir sem hann kom nálægt. Tekur þátt í ýmsum ljóðagjörningum, en skriftir almennt hafðar sem „hobbý“. Skrifar einleikinn Önnu fyrir Lifandi Leikhús Þorleifs Arnar Arnarssonar sem var hluti af verkefninu Pentagon sem sett var upp í Iðnó á menningarnótt 2003. Anna var leikin af Sólveigu Guðmundsdóttur. Árið eftir leitar Starri til Guðmundar Inga Þorvaldssonar og Þórdísar Elvu Þorvaldsdóttur Bachmann, forsvarsmanna leikhópsins Fimbulveturs, með þá hugmynd að stofna til „Bar leikhúss” þar sem hann starfaði. Afrakstur þessa samstarfs var leikritið Ójólaleikritið sem sýnt var um jólin 2004. Kveikan að leikritinu Spor var stutt saga sem Starri hafði skrifað. Þórdís Elva las þá sögu þegar hún starfaði sem dramatúrg við Útvarpsleikhúsið og fannst söguefnið henta útvarpsleikriti. Það var neistinn sem eftir sumarlanga vinnu varð leikritið Spor. Starri vinnur nú að nýju verki sem hugsanlega klárast einhverntíma með komandi vori. Með aðalhlutverk í þessu nýja verki fara Sveinn Ólafur Gunnarsson í hlutverki Andra og Björn Thors í hlutverki Torfa. Grettir Páll Einarsson leikur Andra 12 ára og Árni Beinteinn Árnason leikur Torfa 14 ára. Önnur hlutverk: Sólveig Guðmundsdóttir, Ragnheiður Steindórsdóttir, Hallmar Sigurðsson og Víkingur Kristjánsson. Tónlist er eftir Axel Árnason en hljóðvinnslu annast Einar Sigurðsson. Leikstjóri: Guðmundur Ingi Þorvaldsson. Verkið er á dagskrá á morgun kl. 14 en er aðgengilegt á vef RUV.is næstu vikur.
Mest lesið Komast ekki áfram nema þeir séu á skjánum Lífið Formleg spá og ítarleg greining á keppendum kvöldsins Lífið Vaktin: Komast Væb-bræður áfram? Lífið Tom Cruise stökk úr þyrlu með myndavél Íslendinga Bíó og sjónvarp „Mökkurinn var þéttur og við fórum í gegnum hann“ Lífið Egill í SuitUp keypti glæsiíbúð undir fasteignamati Lífið Íslendingarnir gleymdu mikilvægu hráefni á lokadeginum Lífið María Birta og Elli orðin tveggja barna foreldrar Lífið Sögulegt parhús í Hlíðunum Lífið Innlit í best skipulögðu íbúðina á Selfossi Lífið Fleiri fréttir Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira